डिजिटल प्रणालीबाट पढाउन माग

डिजिटल प्रणालीबाट पढाउन माग

 

रसुवा, २१ असार । विद्यालयको पढाइमा प्रयोग भइरहेको कालोपाटीलाई विस्थापन गर्दै डिजिटल प्रविधिबाट शिक्षा प्रदान गर्न शिक्षकले माग गरेका छन् ।
गोसाइँकुण्ड गाउँपालिकाका अध्यक्ष, उपाध्यक्ष, वडाध्यक्ष र सदस्यलाई रसुवा मावि धुन्चेले आयोजना गरेको स्वागत तथा सम्मान कार्यक्रममा समयसाक्षेप सिकाइको प्रविधि डिजिटल प्रविधिमा लाने व्यवस्था मिलाइदिन स्थानीय सरकारसमक्ष शिक्षकले माग गरेको रसुवा माविका प्रअ तेम्बा रिसाङ घलेले बताउनुभयो ।
कार्यक्रममा गाउँपालिका अध्यक्ष कैसाङनुर्पु तामाङले शिक्षाको विकासमा स्थानीय सरकारले पहिलो प्राथमिकता दिई गुणस्तरीय शिक्षाका लागि आधुनिक प्रविधिको विकासमा अगाडि बढ्ने प्रतिबद्धता व्यक्त गर्नुभयो ।